Le 25 Fevriye, Lenstiti Resers dan Lalang ek Kiltir Kreol(CLCRI), Departman Langaz, Ledikasyon ek Medya (DELM) e Departman Lasante ek Byennet Sosyal (DHSC) ti zwenn ansanm pour selebre Lazournen enternasyonal Lalang Maternel deklare par UNESCO e ki ganny obzerve le 21 Fevriye. En foronm ti ganny organize lo kanpis prensipal, Liniversite Sesel, Anse Royale, kot bann profesyonnel dan sekter Lazenes ek Servis Sosyal, etidyan e lezot envite ti eksplor fason ki lizaz lalang maternel i ede pour amelyor akse a bann servis, kree rapor e sansibiliz bann endividi ensi ki lakominote. Bann diskisyon signifikan e enteresan ti tous lo lenportans krisyal lalang maternel dan servis sosyal e sirtou lo lafason ki lazenes, lafanmir, dimoun aze e dimoun avek dezabilite i kapab santi zot alez e otantik gras a zot lidantite kreol.